Bosh sahifa | Navbatdagi mashg‘ulotga | Xayr bog‘cha – salom maktab

Xayr bog‘cha – salom maktab

Maktabga tayyorlov guruhlari uchun bayram ssenariysi

Bog‘cha sahnasi bayramona bezatilgan. Devorda atrofi gullar bilan bezatilgan “Xayr bog‘cha – salom maktab” so‘zlari yozilgan plakat ilingan. Bolalar sahnaga qo‘llarida gul va bayroq­chalar bilan kirib keladilar. O‘zbekiston Respublikasi Davlat Madhiyasi yangraydi.

BOSHLOVCHI: – Assalomu alaykum ota-onalar, aziz buvijonlar, mehribon tarbiyachi us­tozlar! Sizlar bilan 5 yil davomida birga bo‘lib, bugun xayrlashmoqdamiz. Sizlarni “Xayr bog‘­cha – salom maktab” nomli xayrlashuv oqshomiga bag‘ishlangan bayramimizni tomosha qilishga taklif etamiz. Tadbirni muassasa rahbari ochib beradi.

MUASSASA RAHBARI:
– Yuzlaring yal-yal yonib, odimlaysan mardona
Bir qo‘lingda sumka bor, birida-chi guldasta.
Oylar o‘tar, yil o‘tar, ulg‘ayasan bir kun sen,
Seni kutar koinot, kutadi qahramon el.

1-BOLA:
–    Bu dunyoda chamanlar ko‘p,
Bu dunyoda vatanlar ko‘p,
Barchasida yashnar gullar,
Barchasida yashnar dillar.
Mening uchun yer-u bo‘ston,
O‘zbekiston, O‘zbekiston!

BARCHA BOLA:
– Mo‘tabar va aziz opa­jonlarimiz, sizlarga ta’zim qilamiz!

MADINA:
–    Nima uchun bu kunni,
Qutlug‘ bayram qilamiz.
Chunki tez kun ichida,
Biz maktabga boramiz.

BOTIRJON:
–    Bugun hamma shod-xurram,
Dadam, oyim va opam.
Tabriklashib ketishar,
Hatto xolalarim ham,
Salom maktab, jon maktab!

Bolalar ijrosida “Xayr bog‘cham, bog‘cha opam” qo‘shig‘i kuylanadi.

BOSHLOVCHI:
–    Tabriklaymiz-tabriklaymiz,
7 yoshga to‘libsiz.
Tabriklaymiz hammamiz,
Katta bola bo‘libsiz.

1-BOLA:
–    Xayr-bog‘cham, gul bog‘cham,
Bag‘ri to‘la nur bog‘cham.
Xayr o‘yinchoqlarim, bolg‘acha-yu, o‘rog‘im,
Xayr paqircha-yu, kuragim,
Xayr g‘oz-u, o‘rdagim.
Oq quyonim yaxshi qol,
Mashinacham yaxshi qol.

2-BOLA:
–    Ona kabi mehribon,
Ilm fanlarga makon.
Yayrab o‘qiyman har on,
Qadrdonim maktabim.

BOSHLOVCHI: – Aziz bolajonlar! Bugun sizni tabriklash uchun ota-onalaringiz, mehmonlar va kichkintoy ukalaringiz tashrif buyurishgan. Ular sizlarni mustaqil O‘zbekistonimizning yetuk farzandlari bo‘lib yetishishingizda omad va muvaffaqiyatlar tilaydilar. Katta guruh bolalari musiqa ostida kirib keladilar.

3-BOLA:
–    Opajonlar, akajonlar yetti yoshga to‘libsiz,
Tabriklaymiz biz sizni, siz o‘quvchi bo‘libsiz.

Check Also

Quvnoq vitaminlar

Maqsad: bolalarga sabzavot va mevalarning tarkibida vitaminlar bo‘lishi, ularning foydali xususiyatlari haqida tushuncha berish; kichkintoylar …